Qaanaamut juullimut poortukkat anngunniarneqarput
Timminissat taamaatiinnarneqarnerisa kinguneraat Qaanaamut Pituffimmullu juullimut allakkat kingulliit juullilerani ullut marluk sioquullugit apuussinnaajumaarnissaat neriuutigineqarluni.
Nunatsinnit, nunatsinnut nunatsiniillu decembarip allakkat 17 tonsit missaannik oqimaassuseqarput, imaluunniit allakkat 200.000-it poortukkallu timmisartukkoortut 26 tonsit. Novembar/decembarimi umiarsuakkut poortukkat 35 tonsit missaaniipput. Ataatsimut isigalugu tassaaput siorna juullikkunni nassiussat amerlaqataat.
Juullimut umiarsuakkut timmisartukkullu nassiunneqartussanut tunniussiffissat nalinginnaarumik malinneqartarpoq, aammali taassuma kingorna tunniussisoqartarluni, Telepost nalunaarpoq.
Decembari aallartinnerliorpoq nap.ak. 49-mi imarpik qulaallugu timmisartorneq teknikkut ajoquteqarmat, sap.ak. 50-imi sila ajorluni Dashillu nuantsinni timmisut ajoquteqarlutik. Taamaalilluni nunatsinnut nunatsinniillu nasisussat kinguaatoorput. Ilaatigut timmisartukkut nassiussat sap.ak. 50-p kingorna Danmarkimut apuullutik tallimanngornermi decembarip 17-ani. Taakku Danmarkimi juullip siorna agguaanneqassangatinneqarput.
Tunu assartuinikkut eqqugaavoq, Air Greenladn timmisartumik assattuussisulertariaqarsimalluni decembarip 19-ani juullertinnagut nassiussat Tasiilamut apuussinnaaniassammata. Nunatsinni avannarpasinnerpaat Qaanaaq Pituffilu aamma taamaatitsinernik eqqugaapput, neriuutigineqarporlu nassiussat kingulliit Qaanaamut Pituffimmullu 22-ani apuutissasut.