Kræfteqarsoriguit nakorsiarit
Siusissukkut nappaatip paasineqarneratigut kalaallit qallunaanit kræfternernikkut assigiimmik katsorsarneqarlutik toqujaarnerusarnerat allanngortinneqassaaq.
Assigiimmik katsorsarneqaraluarlutik kalaallit torlumikkut qinersikkullu nuffiuutikkut kræfteqalersartut qallunaanit toqujaarnerusarput.
1994-miit 2003-mut kalaallit napparsimasut misissorneranni tamanna paasineqarpoq.
Tmanna marlunnik peqquteqarpoq. Nakorsarneqarneq kingusippallaamik aallartinneqartarpoq, taamaalillini kræfti nakorsarneqarsinnaajunnaareersimasarluni. Aappaattut taaneqarsinnaavoq napparsimasup Danmarkimi katsorsartereerluni angerlanerata kingorna pisuuvoq. Iggiamikkut niaqqumikkullu kræfterlutik napparsimasut sivisuumik kemortillutik allatigullu qinnguartartillutik pilatsillutilluunniit katsortartinnerminni saniatigut allanik aamma nappaateqalernissaasarput katsorsartereernermi qanimut malinnaavigineqartariaqarlutik, misissiunerup inerneraa.
Peqqissutsimut naalakkersuisoqarfimmiit maannakkut tusagassiuutitigut nalunaarutigineqarpoq ajornartorsiut aaqqinniarneqartoq, ilaatigut isumasioqatigiissitsisoqarlsimalluni.
Isumassioqagitiinnerup inerneraa katsorsartereernerup kingunerani nutaanik katsorsaanernik suliniutit kiisalu Rigshospitalimik suleqateqarnissaq, aammali erseqqissarneqarluni pingaartuusoq napparsimasut siusissukkut sumik nappaateqarnerlutik sapinngisamik siusissukkut nakorsiartarnissaat.
- Ullumikkut torlukkut qinersikkullu nuffiuutikkut kræftemut katsorsaasarneq pitsaasuuvoq, anigornissaanullu periarfissat pitsaanerusarput siusissukkut nappaat paasineqaraangat, peqqissutsimik naalakkersuisoqarfik nalunaarpoq.