Kalaallit kræftertut iluatsitsivallaarneq ajorput

Naak assigiimmik nakorsaariaaseqaraluartoq kalaallit qunatsimikkut kræftertut qallunaaniit aniguinnginnerusarput, misissuinerup takutippaa.

Iggiakkut imaluunniit qinersikkut nuffiuutikkut kræfteqaleruit Kalaallillu Nunaanni najugaqarlutit ilimagineqarsinnaavoq qallunaat taamatut nappaateqartunit toqujaarnerunissat. Nakorsarneqarneq assigiikkaluarpalluunniit.

Tassaavoq misissuineq nakorsamit ph.dønngorniartumillu Ramon Gordon Jensenimit Rigshospitalimiittumit allaaserineqarpoq.

Eksempelvis var 5- års overlevelsen for kræft i strube, svælg og mund 23 % blandt grønlandske patienter og 50 % hos danske.

Ramon Gordon Jensenip naatsorsugai atuagassiami nutaanerpaami 'Kvartalets Talimi' Grønlandsmedicinsk Selskabimit saqqummersinneqartumi takuneqarsinnaavoq. Aamma taanna atuarsinnaavat uani.

Tamanna marlunnik peqquteqarpoq.

Nakorsarneqarneq kingusippallaamik aallartinneqartarpoq, taamaalillini kræfti nakorsarneqarsinnaajunnaareersimasarluni.

Aappaattut taaneqarsinnaavoq napparsimasup Danmarkimi katsorsartereerluni angerlanerata kingorna pisuuvoq. Iggiamikkut niaqqumikkullu kræfterlutik napparsimasut sivisuumik kemortillutik allatigullu qinnguartartillutik pilatsillutilluunniit katsortartinnerminni saniatigut allanik aamma nappaateqalernissaasarput katsorsartereernermi qanimut malinnaavigineqartariaqarlutik.

Kalaallit Nunaanni nakkutilliilluni malinnaanissaq pisariaqarpoq anniaatit, nerinermut ajornartorsiutit tarnikkullu erloqissutit peqqutigalugit, taakkumi pinngortarput nappaatip paasineraniit Danmarkimilu sivisuumik katsorsartinnikkut.

- Malinnaaneq taamaattoq 1994-miit 2003-mut napparsimasunut naammattumik ingerlanneqarsorinanngilaq, Ramon Gordon Jensen oqarpoq.

- Misissuinernik naliliineq tassaavoq kalaallit napparsimasut nunani allanisuulli katsorsarneqarsinnaasariaqarnerat taamatut niaqqumikkut iggiamikkullu nappaateqartut, Danmarkimilu qallunaanut kræftertunut immikkut iliuuseqarnermik iluaquteqarsinnaasariaqarlutik, taamaalillutik siusissukkut nappaataat paasineqarluni napparsimasullu malinnaavigineqarlutik. Akisussaaffiup ilaa aamma inunniippoq, tassanimi tupatorpallaarneq imigassartorpallaarnerlu kræfteqalissutaasarpoq. Maluniuttoqarpat nakorsiarnissaq pisariaqarpoq, Ramon Gordon Jensen allappoq.

Powered by Labrador CMS