Juullip Inuata allakkanik nakkartitsivia Laplandimiippoq
Meeqqat amerligaluttuinnartut isumaqarput juullip inua Laplandimi najugaqartoq. Tassa juullimut tunissutissanik kissaatiminnik allakkaminnik sumut nassiussisarnerat qiviassagaanni.
Nuummi Nuutoqqami Juullip Inuata Allakkanik Nakkartitsisarfianut ukiumut allakkat 20-30.000-t takkuttarput. Laplandimi Rovaniemi-mi allakkanik nakkaatitsivimmut taamaattumut meeqqanit nunanit 150-ineersunit allakkat 700.000-t takkuttarput.
Laplandimulli allakkat ilaat 40.000-iinnaat akineqartarput, allakkat amerlanerpaartaasa nassiussisuisa adressiat atorsinnaaneq ajormat.
Finlandili siuttunngorsimavoq nunarsuarmiut killinniarneranni nunarsuarmi tunisisartoq nuannarineqarnerpaaq aappalaartunik atisalik sumi najugaqarneranik. Juullip Inuanik oqaluttuat pissutigalugit Rovaniemi ukiumut millionip affaanik takornariaqartarpoq. Rovaniemi nunatsitut inoqartigaaq.
GTE-p takornariarpassuaqartarnera usoraa, isumaqarlunili Kalaallit Nunaat juullip inulerngusaannermi peqataassanngitsoq. Tamanna akilersinnaanngilaq, pisortaaneq Anders Stenbakken oqarpoq.
Sooq taamaannersoq Sermitsiami sapaatip akunnerani uani saqqummersumi atuarsinnaavat.
Sermitsiaq pisiariuk uani: