Juullip Inua najugaqarfeqanngitsoq
Naalagaaffiit arlallit Juullip Inuata nunaatut imminnut suaarutigaat aningaasarsiutaalluarmat. GTE peqataanngilaq.
Laplandimi Rovaniemi qanga illoqarfiuvoq pisoqarfiulluanngitsoq. Sorsunnersuarmi kingullermi tyskit sakkutuut 2500-t illoqarfiup eqqaani akersuunnermi toqutaasut eqqaassutissarsuat illoqarfiup ussassaarutaasa annerpaat ilagaat.
Maanna illoqarfimmut qaasuitsup killeqarfiata eqqaaniittumut ukiumut inuit millionip affai takornariartalersimapput.
Ussassaarutaavoq Juullip Inua.
- Juullip Inuata Rovaniemi-mut pingaaruteqassusia annertoorujussuuvoq. Tassunga unammillertunik aallartitsisoqarsimavoq, pingaartumik Sverigemi, Norgemi Tuluillu Nunaanni. Annannissatsinnut atortussaraavut sullissinivut ukiorpassuarnilu misilittagaqarnerput, Rovaniemi Tourism-ip pisortaa Sanna Kortelainen Sermitsiami sapaatip akunnerani uani saqqummersumi oqarpoq.
Allaaserisami atuarsinnaavat sooq Rovaniemi juullip inulerngusaannermi sakkortusigaluttuinnartumi siuttuunersoq.
Unamminermi tamatumani Kalaallit Nunaanni Takornariaqarnermut Inuussutissarsiornermullu Siunnersuisoqatigiit peqataanngilaq. Sooq tamanna periuseq pitsaanerpaanersoq GTE-p isumaa aviisimi atuarsinnaavat.
Aamma atuarsinnaavat takornariaqarnermik aallussisoq tamatumunnga isumaqataanngilluinartoq. Taanna isumaqarpoq uggornartorujussuusoq Kalaallit Nunaata juullip inua naalagaaffinnut allanut tunniummagu. Taassuma juullip inuata nunatsinnut utertinnissaanut sulinutissanik uissuumminartunik saqqummiussivoq.
Sermitsiaq pisiariuk uani: