Aalborgimi kalaallisut juullisiorneq
Aalborgimi Hans Egedes Kirkemi kalaallisut juulliaqqami naalagiartarnermik ileqqoq tamatigutut peqataalluarfigineqarpoq.
Annonse
Naalagiat amerlangaarmata oqaluffik immikkut issialiversortariaqarpoq.
Oqaluffik juullerpalaarluinnarpoq provsti soraarneq Ricard Petersen pisarnermisut nuannersumik naalagiartitsimmat. Naalagiarnerlu folketingimut ilaasortaasimasumit Otto Steenholdtimit ammarneqarlunilu matuneqarpoq.
Naalagiat oqaluffimmit aniammata Ricard Petersenip naalagiat ataasiakkaarlugit assammittarpai Tamatuma kingorna erinarsoqatigiit Aalborgimeerut Ikinngutigiit silataani atorpaat "Takuarsi Juullilersoq", inunnut untritilippassuarnut.
Tamatuma kingorna kalaallit Aalborgimi peqatigiiffiat kaffillerpoq, tillerpoq, meeqqanut sodavandillerpoq kaageerallerlunilu, oqaluffiup qanittuaniittumi kalaallit illuutaanni.