Kommune piumasaartortoq
Kommunip imigassamik ajornartorsiuteqartup katsorsartereerluni imigassartoqqillalermat aningaasat uterteqqinniaraluarpai. Taamaattoqarsinnaanngilarli, ombudsmandip naqissuserpaa.
Katsorsaavik Qaqiffik ukiuni arlaqartuni katsorsaanermut akiliummik utertitseqquneqartarpoq.
Taamatut pisumasaqarnerit kommuniusimasuneersput, Ombudsmandip nalunaarutaani erserpoq.
Suliami pineqartoq tassaavoq imigassamik ajornartorsiuteqartoq 2006-mi kommunimit Qaqiffimmi katsorsartinneqartoq. Katsorsaaneq kommunimut 15.200 koruuniuvoq.
Ukioq ataaseq qaangiutinngitsoq inuk taanna imeqqittarpoq, naak katsorsartissimagaluarluni. Sapaatip akunnerani AA-mi ataatsimiigiassaarpoq.
Katsoarsartinneq iluaqutaanngilaq, taamaattumik kommunip akiliutini uterteqqinnialerpaa.
Taamatulli piumasaqartoqarsinnaanngisoq ombudsmandip nalunaarusiamini oqaatigaa.
Ombudsmandip kommunerujussuarmut aamma erseqqissarpaa taamatut piumasaqartarneq unitsinneqartariaqartoq.
Misissuineq tunngavigalugu ombudsmandip aamma maluginiaqquaa Qaqiffimmiissimanermut akiliutigisamut utertitsinissamut apeqqummi nalornilersoqartartoq, taamaattumillu ombudsmandi nammineerluni misissuisimavoq.
Ukioq manna ombudsmandip aalajangiineri uani atuarsinnaavatit: