Kunngikkunni erninissaq ataasinngorpat aallartitinneqassaaq
BT malillugu kunngissap nuliata Maryp marlulinissaa ataasinngorpat Rigshospitalimi aallartitinneqassaaq.
Danmarkimi kunngissap nulia naartusoq Mary Københavnimi Rigshospitalimut ataasinngorpat unitsinneqassaaq marluliissalluni. Taamatut paasisaqarfiit arlallit imminnut attuumassuteqanngitsut B.T.-mut oqarput. Paasisaqarfiit ilaat malillugu ernineq ataasinngorpat ullaakkut aallartitinneqassaaq, taamatut allappoq Ritzau.
Kunngikkormiut nalunaarutiginikuuaat kunngissap nulia "januaarip ingerlanerani" marluliissasoq, qaqugorpiarli pissasoq oqaatiginagut, siornalu decembarip qiteqqunneranili erninissaata ullua eqqoriaqattaarneqalerpoq, tassa marlulissat sapaatit akunnerini 38-ni naart5ooreerlutik erniusarmata, nalinginnaasumik sapaatit akunnerini 40-niunngitsoq.
Kunngikkormiut aamma ileqquusumik ukiortaami ilassinninnermik ulapputeqarput, kunngissallu nulia decembarimili nalunaareersimavoq ukiortaami pisussani peqataasinnaanani, kunngikkormiulu pilersaarutaat malillugu kunngissaq Frederik marlunngorpat ullaap tungaani Amalienborgimi ukiortaami ilassinninnermi peqataassaaq.