Iisartakkamik inuit imernikinnerulissapput
Nakorsaatinik ingerlatsiviup Lundbeckip imigassamut iisartakkamik, inuit imernikinnerulernissaannik ikiuisussamik, ilisimatusarnermi pingasut ilaat marluk naammassivai.
Nakorsaatinik ineriartortitsinermik ingerlatsiviup Lundbeckip iisartakkamik naimefen-imik, inunnik imigassartornikinnerulersitsisussamik, ilisimatusarnermi pingasut ilaat marluk ingerlassimavai.
Ilisimatusarnerit pingajussaat upernaap ingerlanerani naammassineqassaaq, Ritzau allappoq.
- Manna tikillugu paasitat takutippaat naimefen inuppassuit imigassartornerminnik annikillisaajumasut taartissaasa siullersarigaat, Lundbeck paasissutissiivoq.
naimefen 2011-mi ukiup affaata aappaani Europami ussassaarutigineqalernissaminnut qinnuteqarfigineqassaaq.
- Nuannaarutigaarput paasissutissat tamakkua takutimmassuk naimefen nakorsaatit siullersarissagaat inuppassuarnut, akornutaasumik imigassartornerminnik annikillisitsisariaqartunut, assigiinngisitsissasoq, Lundbeckip ineriartortitsinermut pisortaa Anders Gersel Pedersen oqarpoq.
Naimefen imigassamik pinngitsoorsinnaajunnaarnermut katsorsaariaasiuvoq nutaaq. Katsorsaatit pioreersut assiginagit naimefen nappaatilinnik imerunnaavinnissamut katsorsaataanngilaq.
Naimefenip inuit imigassartornerminnik nakkutilliinerannik killilersimaartitsinissaannillu ikiussavai.
Imigassartornerup ajoqusiinnginnerusumut annikillisinnissaanut katsorsaataavoq pingaarutilik, siunertaralugu napparsimasut katsorsarnerisa attatiinnarnissaa katsorsartinnissamullu piumassuseqarnerisa annertusinissaanut, immikkut ilisimasallit naliliipput.