Qaartartunut illersuut pillugu nunarput akissuteqartariaqarpoq

Nunap NATO-mi ilaasortaasup Danmarkip nunarput eqqaamasariaqarpaa, qaartunut illersuut pillugu NATO Rusland suleqatigalugu Lissabonimi NATO-p ataatsimeersuarnerani sapaatip akunnerata naanerani isumaqatigiissusiussappat.

Taama isumaqarpoq nunatsinniit Folketingimut ilaasortaq Siumumit illuatungiliuttuni socialdemokraatiusuneersoq Lars-Emil Johansen.

Nunanut allanut ministerimut Lene Espersenimut (K) apeqquteqarpoq, nutaamik qaartartunut illersuusiornissaq nunatsinni Pitummiffi amerikamiut radareqarfianut qanoq kinguneqassanersoq.

- Nunatta avannarpiaani radari qaartartunut illarsuutit ilagereerpaat, Lars-Emil Johansen oqarpoq.

- Illersuummik inissiviugaanni paaserusunnarpoq allanngortoqarpat susoqassanersoq. Danmark tassaanngilaq qaartartunut illersuuteqarfiusoq isumaqatigiinniarnermi ilaasoq. Tassaavorli Kalaallit Nunaat, oqarpoq.

NATO-p Ruslandillu isumaqatigiissutaa tassaagallarpoq sumiiffinni taakkunani navianartoqarsinnaaneranik naliliineq. NATO-p ernumassutigai nunat soorlu Korea Avannarleq Iranilu.

Taama allappoq Ritzau.

Powered by Labrador CMS