Iminngernaveersaatut pillugit oqaluttuaq arajutsisaq

Filminik ilitsersuisartup Danmarkimi kalaallit ajornartorsiutaannavii eqqartorneqartarmata assuaraa.

- Danmarkimi aallakaatitassiat imaaginnavissimapput, “Flugten fra Grønland, “Mit Grønland” il.il. kalaallit ajornartorsiutaannik oqaluttuartut. Sooruna qallunaat kalaallillumi kingumut aallakaatitassiamik takusassinneqassasut kalaallit aalakoortuaannarnerannik inuunertillu aqussinnaanagu isummertarnermik naqissusiisumik? Procentinngortikkaanni qallunaat kalaallinit amerlanerusut imigassamik ajornartorsiuteqarput. Assersuutigalugu kalaallit 30 procentii imigassamik uuttuineq ajorput, ikinngutitik ilaquttatillu misillerfigisimagamikku.

Taama Poltikenimut allappoq tusagassiortoq namminersortoq filminstruktørilu Ivalo Frank.

Kissaammernera DR2-mi piviusulikkersaarummit aallaaveqarpoq. Danmarkimi illoqarfiit pingaarnersaanni kalaallit angerlarsimaffeqanngitsut aallakaatitassiarineqarput. Aallakaatitaq namminermini kukkunerunngilaq. Ajornartorsiutaavorli kalaallit pillugit aallakaatitassiat taamaattut kisimik qallunaanut takusassiarineqartarnerat.

- Apeqqut eqqortoq uani tassatuaavoq sooq? Sooq qallunaat Kalaallit Nunaata ineriartorneranik paasitinneqassanngillat? Sooq qallunaat Kalaallit Nunaannik pitsaasumik siumukartumillu takusaqassanngillat? Sooq Kalaallit Nunaat inuit 500 missaaniittut atugarliortut tunngavigalugit nalilerneqassava? Sooq filmiliortoqanngila Danmarkimi kalaallit 19.500-iusut ingerlalluartut pillugit? Ivalo Frank aperaaq.

Allaasersani ima naggaserpaa:

- Qaqugu qallunaat aalakoortut pilllugit filmiliortoqassava?

Powered by Labrador CMS