Nunatta bakteriaata kviksølvi salittarpaa

Ilisimatuut paasisimavaat Kalaallit Nunaata avannaani apummi bakterissat saffiugassaq oqimaatsoq toqunartulik salittaraa.

Bakterissanik ilisimatuup Annette Klæstrup Møller, ph. d. Københavini Ilisimatusrfiani mikrobiologip misissorsimavaa bakterissat Kalaallit Nunaanni kviksølvimut qanoq sunniuttarnersut.

Tunup avannaani Station Nordimiinnermini apummik misissugassamik tigusisarsimavoq bakterissallu naatillugit takuniarlugu kviksølveqartillugu alliartorsinnaanersut.

Tamanna misiliineruvoq pingaarutilik, kviksølvimi innermik anitsinernit ikummatissallu nunap iluaneersut ikummatigineqarnerannit pinngortarpoq, tassaallunilu saffiugassaq oqimaatsoq toqunarlutik. Qujanartumik bakterissat ilaasa kviksølv allanngortittarpaat silaannarmut utertillugu. Taamaalilluni kviksølvi nerisareqatigiinnikkut katersuuttartoq ingammik puisiniittartoq millisinneqartarpoq.

- Bakterissat taamaattut apummi allermiinnerusarput. Tamanna tupaallannarpoq. isumaqarsimagaluarpugut qallerniissasoq, kviksølvimi silaannarmit nakkaasarpoq. Eqqarsaatigereerluguli tamassuma allermi pisarnera pissusissamisoortutut ippoq, kemiskimimmi kviksølvimik nakkartumik silaannarmut aallartitseqqittoqassappat qaamaneq pisariaqarpoq. Kemiskimik pisut qallermi pisarput qaamasoqartumi, Annette Klæstrup Møller Politikenimut oqaluttuarpoq.

Powered by Labrador CMS