Atlantikup avannaani suleqatigiifimmi suliassat nutaat
"Takorluukkat sulinerlu". Taama Atlantikup avannaani Folketingimi suleqatigiffimmi ilaasortat Juliane Henningsen Inuit Ataqatigiinnersup Høgni Hoydalillu Tjóðveldimeersut sulissaminni pilersaarut taaguuserpaat.
Marluullutik Atlantikup avannaani suleqatigiiffimmiipput 2001-mi pilersinneqartumi, anguniakkallu taamanikkutuut aamma ipput: Kalaallit Nunaata Savalimmiullu Folketingimi tusaaneqarnissaat ataatsimoortumillu soqutigisat nukittorsarnissaat.
Piffissami aggersumi suleqatigiissitami ilaatigut misissorneqassaaq savalimmiormiut kalaallillu Danmarkimut nuukkaangangamik qanoq pisinnaatitaaffeqartarnersut. Suleqatgiiffimmi misissorniarneqarpoq savalimmiormiut kalaallillut pisinnaatitaaffii nunani avannarlerni, EU-mi EØS-imilu innuttaasut Danmarkimi pisinnaatitaaffiisut innersut. Misissuineq aallaavigalugu Atlantikup avannaani innuttaasut pisinnatitaffii allattugaliarineqassapput.
Atlantikup avannaani suleqatigiiffimmi aamma aallaqqaammulli suliniutigisat malinnaavigineqassapput. Ilaatigut Atlantikup avannaani suleqatigiinneq Juliane Henningsenip Høgni Hoydalillu suleqataaffigisaat. Høgni Hoydal ingammik Nordisk Rådimi Juliane Henningsenilu Den Arktiske Parlamentarikerkomitémi qanittukkut siulittaasup tulliatut toqqarneqarfimmini.
Sulinissamut pilersaarut kalaallisut, savalimmiormiusut qallunaatullu allanneqassaaq.