Qiperugaq aqagu uleerneqassaaq
Jens Erik Kjeldsenip qiperugaa Nakuussuseq, Periataallaqqissuseq Pinnguarnerlu Kjellerupimi Arenap saavani arfininngorpat uleerneqassaaq.
Aqagu arfininngornermi Kjellerupimi Arena Midt nutaamik qiperugaqalissaaq. Taanna Jens Erik Kjeldsenip suliaraa.
Jens Erik Kjeldsen Aasianni najugaqartoq ukiut marluk affarlu matuma siorna suliakkerneqarpoq.
Kjellerupegnens Kunstsamling aamma Arena Midt arfininngorpat nobembarip 27-ani nalunaqutaq 12.30 qiperukkamik »Nakuussuseq, Periataallaqqissuseq Pinnguarnermillu« ullersisuussapput.
Qiperugaq Kjellerupimi Arena Midtimi Hasselvejimiippoq.
Arena Midtimi tikilluaqqusisoqassaaq, kingornalu byrådimi Arena Midtimilu sanaartornermut ataatsimiititaliami ilaasortaq Hans Jørgen Hørning oqaaseqassaaq ilaatigut Kjellerup eqqaani Arena Midtitut ittumik sanaartornerup pingaassusaa eqqartorlugu.
Kjellerupegnens Kunstsamlingimi siulittaasup Orla Dietzip qiperukkap isummamiit piviusunngornera oqaluttuarissavaa.
Taam aallappoq Midtjyllands Avis.