Sume filmiliarineqassaaq
Inuk Silis Høeghip nunatsinni rockertartut siulliit Sumikkut filmiliarissavai.
Inuiattut imminut paasinissatsinnut tinnersarpaatigut. Nunatsinni naalakkersuinikkut sunniuteqarput. Tassaapput Sume. 2012-milu nipilersoqatigiit oqaluttuarisaanerat pillugu piviusulikkersaarut takuteqqaarneqassaaq.
Taama allappoq knp.dk
Filmimi oqaluttuarineqarput nipilersoqatigiit 1972-mi Sorømi pilersinneqartut nunatsinnilu ineriartornermik oqaluttuarnerussalluni.
Sumikkut nunatta avataani aamma ilisimaneqalerput. Sverigemi 1975-mi Stockholmimi nipilersornermi festivalimi nipilersorput, DDR-mi Sumikkut Berlinip qammarsuata alannguani nipilersorput, Danmarkimilu 1995-mi Roskilde Festivalimi nipilersorlutik - tassanilu KODA-p nersornaasiuttagaanik nersornaaserneqarlutik.
Siullermeertumik Sumikkunni nipilersortartut oqaluttuarisaanermik filimilarineqarnissaanik akuersaarput. Nipilersoqatigiit ilaasortaannik oqaloqateqarnikkut, toqqartatigut nipilersoqatigiillu ullumikkut tusarnaartitsineranniit rockertartut alutornartumik oqaluttuarineqassapput.
Filmimik ilitsersuisuussaaq Inuk Silis Høegh Emile H. Péronardimit aaqqissugaalluni.