20 koruuni nutaaq
Aningaasami nutaami, tallimanngormat Bryggenimi ilisaritinneqartumi qajaq umiarlu kigartorneqarsimapput
Novembarip 29-ianni Nationalbankip aningaasaq 20 koruuni nutaaq atulersippaa. Taanna umiarsuarnik kigartugalinnik aningaasat saqqummersinneqartut arfineq-pingajussaraat. Aningaasap qaannamik-umiamik kigartorneri kalaallimit eqqumiitsuliortumit Niels Motzfeldtimit sananeqarsimapput. Taassuma siusinnerusukkut aningaasat kigartortarsimavai inussulik, Qatanngutigiit Pingasut aamma Issittup aningaasaa nanormik kigartornertallit.
Aningaasap nutaap saqqaaniippoq Dronningip sanianit assinga. Asseq taanna siusinnerusukkut umiarsuarnik assiliartalinnit allaaneruvoq, tassa Dronningip apriilimi 70-iliilerani assinga atorneqarsimammat.
Aningaasaq nutaaaq ataasinngornermit novembarip 29-iannit aningaaserivinni amerlanerpaani Nationalbankimilu pisiarineqarsinnaalissaaaq.
Aningaasaq aamma Den Kgl, Mønt-ip quppernerani nittartakkami www.kgl-moent.dk-mi inniminnerneqarsinnaavoq.
Aningaasap assinga downloaderneqarsinnaavoq uani www.nationalbanken.dk
– Una ammarlugu Presse, Pressebilleder imaluunniit Den Kgl. Møntip quppernera nittartagaq www.kgl.moent.dk.