Qinngutsinni "Atuarfik ammavoq"

Atuarfik Hans Lynge aggustimi atulissaaq 1. klassimiit 7. klassimut 300-nik atuartoqarluni

Qinngutsinni "Atuarfik ammavoq"-mut soqutiginnittorpassuit atuarfiup pisortaata Helene Berthelsenip tikilluaqquvai. Ass.: Sermitsiaq
Aggustimi atuarfiup pisortaata Helene Berthelsenip ilinniartitsisut 30-t atuartullu 300-t tikilluaqqussavai. Ass.: Sermitsiaq
Qinngutsinni "Atuarfik ammavoq"-mut soqutiginnittorpassuit atuarfiup pisortaata Helene Berthelsenip tikilluaqquvai. Ass.: Sermitsiaq Aggustimi atuarfiup pisortaata Helene Berthelsenip ilinniartitsisut 30-t atuartullu 300-t tikilluaqqussavai. Ass.: Sermitsiaq Qinngutsinni "Atuarfik ammavoq"-mut soqutiginnittorpassuit atuarfiup pisortaata Helene Berthelsenip tikilluaqquvai. Ass.: Sermitsiaq Aggustimi atuarfiup pisortaata Helene Berthelsenip ilinniartitsisut 30-t atuartullu 300-t tikilluaqqussavai. Ass.: Sermitsiaq Qinngutsinni "Atuarfik ammavoq"-mut soqutiginnittorpassuit atuarfiup pisortaata Helene Berthelsenip tikilluaqquvai. Ass.: Sermitsiaq Aggustimi atuarfiup pisortaata Helene Berthelsenip ilinniartitsisut 30-t atuartullu 300-t tikilluaqqussavai. Ass.: Sermitsiaq

– Eqqumiitsuliortumut Hans Lyngemut atsiunneqarneq pisussaatitsivoq, Qinngutsinni atuarfittaassap pisortaa Helene Berthelsen Nuummiorpassuarnut, arfininngormat ualikkut "Atuarfimmik ammasumik" takuniaasunut oqarpoq.

– Hans Lynge piniartunngornissaminut nukissaqarsimanngilaq, isumassarsiortarnermigulli nunatsinni annersanngornissaminut nukissaqarsimavoq. Atuarfik Hans Lyngemi qassiiussuseq sammissavarput assigiinngisitaarnerlu tunissutitut isigissallutigu. Siunissami atuarfimmi sulinermi oqaatsit pingaarutillit tassaassapput piumassuseqarneq imminullu ataqqeqatigiinneq, Helene Berthelsen oqarpoq.

Islandimiut entreprenøritut ingerlatsiviata Istak-ip atuarfik 2011-mi maajimi tunniutissavaa, tamatumalu kingorna klassinut fagierpassuarnullu atortussat ikkussuunneqassapput, soorlu eqqaarsaartarfimmut, sannavimmut, nipilertarfimmut, assassortarfimmut formningertarfimmullu.

Atuartut 300-t

2011-mi ukiup atuarfiup aallartinnerani Atuarfik Hans Lynge 30-nik ilinniartitsisoqassaaq 1. klassimiillu 7. klassimut atuartunik 300-nik atuartoqassalluni, Qinnguttalu ukiuni aggersuni alliartornera ilutigalugu atuarfik klassinut angajullerpaanut allilerneqassaaq.

– Atuarfilli aamma qitiusumik inissisimassaaq, minnerunngitsumik Qinngutsinni innuttaasunut, Ineriartornermut ingerlatsivimmi pisortaq William Kriegel oqarpoq.

Atuarfik namminersorlutik oqartussanit sananeqarpoq, kommunili nammineq sanaartukkamut millionilinnik akiliisimavoq, taamaasilluni Atuarfik Hans Lynge Atuarfitsialaap tunngaviinut naapertuutissalluni.

Iigarujussuup 26,5x9,5 meterinik angissusillip eqqumiitsuliornikkut pinnersarneqarnissaanik Kommuneqarfik Sermersooq unammisitsivoq. Eqqumiitsuliortut sammissavaat "Meeqqat ineriartornermut periarfissaat", siunnersuumminnilu kissalaassuseq, akuerinninneq ataatsimuussuserlu takutinniassavaat.

Powered by Labrador CMS