Kangerlussuakkut aqqusaartarneq taamaatinneqarli

Kommune Kujallermi kommunalbestyrelsi taamatut isumaqarpoq, kissaatigalugulu Atlantikoq qulaallugu timmisartuussivik attatiinnarneqassasoq

Kujataani angallannikkut pissutsit pitsaanerussapput
Qaqortumi mittarfiliortoqassappat 1.800 meterinik takissuseqassaaq, Kommune Kujallermi kommunalbestyrelsi isumaqarpoq.
Kujataani angallannikkut pissutsit pitsaanerussapput Qaqortumi mittarfiliortoqassappat 1.800 meterinik takissuseqassaaq, Kommune Kujallermi kommunalbestyrelsi isumaqarpoq. Kujataani angallannikkut pissutsit pitsaanerussapput Qaqortumi mittarfiliortoqassappat 1.800 meterinik takissuseqassaaq, Kommune Kujallermi kommunalbestyrelsi isumaqarpoq. Kujataani angallannikkut pissutsit pitsaanerussapput Qaqortumi mittarfiliortoqassappat 1.800 meterinik takissuseqassaaq, Kommune Kujallermi kommunalbestyrelsi isumaqarpoq.

Kujataani angallannermi pissutsit pitsaanerulernissaat Kommune Kujallermi kommunalbestyrelsip kissaatigaa.

– Angallannikkut aqquteqaatit ukiuni makkunani ajorseriarujussuarsimapput, kommunalbestyrelsi tusagassiorfinnut nalunaarummi allappoq.

Angalasut ullorpassuit aningaasarpassuillu unnuinermut atortarpaat, tamannalu inunnik angallassinermut akornutaaginnanngilaq, aamma inuussutissarsiortut takornariaqarnerlu akornunsersorneqarput, politikerit isumaqarput.

Assersuutigalugu ilaasoq sisamanngormat novembarip 25-ianni Tirstrupimit Narsamukartussaasimavoq. Taanna sisamanngormat Nuummut tikkippoq Narsarsuaq silarlummat. Naatsorsuutigisimavaa Nuummit Narsarsuarmut ataasinngornermi novembarip 29-ianni aallassalluni, marlunngornikkullu Narsamut ingerlaqqikkumaarluni. Taassuma Nuummi unnuinera Air Greenlandip akilersimavaa, nerisaqarnerali pinnagu. Ilaasullu ataasinngornermi marlunngornermilu Narsarsuarmi unnuisariaqarnini nerisassanilu nammineq akilertariaqarsimavai. Ilaasoq ullut katillugit tallimat kinguaattoorpoq immikkullu aningaasartuuteqartorujussuulluni.

Pissutsit tamakkua pissutigalugit kommunalbestyrelsip kissaatigaa Kangerlussuakkoortarneq unitsinneqassasoq.

– Nuna namminersorluni oqartussaq ineriartorteqataaffigissagutsigu nunap immikkoortui tamarmik iluamik angallannermut periarfissaqartariaqarput. Kommune Kujalliup kissatigaa Atlantikoq qulaallugu timmisartuussivik attatiinnarneqassasoq. Taamaattumik kommunalbestyrelsip inassutigaa Qaqortumi 1.800 meterinik takissusilimmik mittarfiliortoqassasoq. Aatsitassarsiornerit pioreersut aggersussallu eqqarsaatigalugit nunanut allanut allaniillu angallannikkut attaveqaatit pitsanngorsartariaqarpavut. Tamanna ingerlatsivinnut aammalu Kujataanut Kujataanillu inunnik angallassinermut pingaaruteqarpoq, ilanngullugulu nunap aningaasaqarneranut iluaqutaassalluni, kommunalbestyrelsi isumaqarpoq.

Helikopterit S-61-it siunissami atorneqarunnaartussaammata angallannermut pilersaarusiortoqartariaqarpoq S-61-inut taartissanik. Tamatumani kommunalbestyrelsip eqqarsaatigai Narsami Nanortalimmilu mittarfiit mikinerusut aqquserngillu. Nunaqarfinnut aatsitassarsiorfiusunut aamma aqqusinernut imaatigullu angallannermut pilersaarusiortoqartariaqarpoq, taamaasilluni angallannermi assartuinermilu periarfissat qulakkeerlugit.

Kommunalbestyrelsip inassutigaa ilaasartaatinik, 35-40-nik ilaasoqarsinnaasunik, pisisoqassasoq Kujataani nunaqarfinnut angallassinermut, atuartunik ilinniagaqartunillu angallassinermut kiisalu peqatigiiffinnik takornarianillu angallassinermut atorneqartussanik.

Pinartoqartilluguli tamatigut helikopterinik aallarussisoqarsinnaasassaaq, kommunalbestyrelsi isumaqarpoq.

Nunaqarfiit matorusunngilagut. Anguniagaq tamanna pimoorunneqassaaq, ilaasoqarsinnaanerlu misissussavarput. Tamatuma saniatigjut misissorneqartariaqarpoq Narsarsuarmi sunik periarfissaqarnersoq, Qaqortumi mittarfimmik 1.800 meterinik takissusilimmik sanasoqassappat.

Aningaasarsiorneq pitsanngorsarniarlugu nunaqarfinnut nunaqarfiillu akornanni ilaasunik nioqqutissanillu assartuineq ataqatigiissassavarput. Suleqatigiissitaliortoqartariaqarpoq Narsarsuarmi nunaqarfimmik aqutsisunit, inuussutissarsiortunit, nunaqarfinnit kommunalbestyrelsimillu toqqarneqartunik, taannalu Kujataani angallannermut pilersaarusiussaaq silatuumik.

Anguniagaavoq innutaasut akisussaassusilimmik akikitsumik angalasinnaanissaat. Tamanna Kujataani nunallu sinnerani inuussutissarsiornermik ikneriartortitseqataassaaq. Tamatuma saniatigut kissaatigaarput nunanut allanut angallannikkut attaveqaatit pitsaanerpaamik ataqatigiissarneqassasut, kommunalbestyrelsi isumaqatigiissoq oqarpoq.

Powered by Labrador CMS