Polenimiut Jyllandip kujataani uuliaqarsoraat
Kiisami uppernarsineqarpoq. Jyllandip kujataani ima uuliaqartigisorineqarpoq allaallt misiliilluni qillerisoqalerluni. Aningaasarpassuarnik iluanaarfiusinnaavoq.
Tusakkat tutsuiginarput. Jyllandip kujataani nunap iluani uuliaqarfeqarpoq.
Polernimiit suliffeqarfimmi PGNiG-mi immikkut ilisimasallit nunap iluanik misissuisimapput.
Nordsøfonden Polenimiillu suliffeqarfiup isumaqatigiissutigaat misileraallutik qillerniarlutik - tassalu illoqarfiup Kidingip Aabenraap aamma Sønderborgip akornaniittup eqqaani.
Tassani nunap iluani uuliaqarffimmik peqarnissaa ilimagineqarnerpaavoq.
- Taqqamani qanoq uuliaqartiginersoq misissussavarput. Taava naliissaagut piiarnissaanut akilersinnaassanersoq, suliniummik aqutsisoqHans Koch dr.dk/sydimut oqarpoq.
Jyllandip kujataani nunap iluata assinga 3D atorlugu naliliisoqarpoq.Nunap assinga suliarineqarpoq siorna ukiakkut Polenimiut uuttortaaneranni.
Nordsøfonden tassaavoq qallunaat naalagaaffiata uliasiorfia, pisortaatalu Peter Helmer Steenip suliaq pissanngatigeqaa.
- Periarfissaqarluarsoraarput. Pineqartorlu tassaavoq nunap iluani uulia nappartat millionilikkaat, milliardilikkaanik naleqartut, dr.dk/sydimut oqarpoq.
Nunap iluani uuliaqassappat qallunaat naalagaaffiata aningaasat amerlanersaanik pissarsissaaq.