Nakorsat utoqqasaat nunatsinnukarusupput

Danmarkimi nunat immikkoortuisa nakorsat sulisarnerannik aqutsiniarneranut akerliuniarlutik nakorsat namminersortut siusinnerusukkut soraarninngornissartik eqqarsaatigaat imaluunniit allami suliffissarsiorlutik.

Ukiuni tulliuttuni nunatsinni immaqa naatsorsuutigineqalersinnaassaaq nakorsat utoqqasaat misilittagaqarluartut suliartorumanissaat.

Tamanna pileratarsinnaavoq Danmarkimi nunat immikkoortuini nakorsat suliartortarnerat akisussaaffigineqalerlunilu pilersaarusiorneqartalerpat taamaalilluni napparsimmavinni ajoqusertut nakorsiartarfiinut kattunneqarlutik, taama allappoq Morgenavisen Jyllands-Posten.

- Nakorsiartarfiutima matunissaa pimoorullugu eqqarsaatigaara, nakorsammi namminersortut nunap immikkoortuinit aqunneqarnissaat atorsinnaanngilaq, Skibbymi nakorsaq namminersortoq Jørgen Rose aviisimut oqarpoq.

Ukiuni 14-ini nakorsiartarfiutini ingerlassimavaa, nunallu immikkoortuinit pilersaarutit nakorsanit utoqqasaanit soorlu Jørgen Rosetut ittunit kamassutigineqarput. Soraaninngujaarnissartik eqqarsaatigaat imaluunniit nunani allani suliffissarsiorlutik soorlu nunatsinni.

Tigulaaraluni misissuineq Nakorsat namminersortut suleqatigiiffiannit ingerlanneqartoq naapertorlugu nakorsat 60-it sinnerlugit ukioqartut 78 procentiisa eqqarsaatigaat nakorsiartarfimmik matunissaa imaluunniit allami suliffissarsiorlutik.

Powered by Labrador CMS