Nunaqarfinnut juullimi tunissutit siusinaartumik tunniunneqartut

Kulusuk nutaamik umiatsiaaqqanut puttasulerneqassaaq Qeqertarsuatsiaanilu illup iluani timersortarfiliortoqassalluni.

Meeqqat allallu timigissarnissamik soqutiginnittut qeqertarsuatsiaarmiut qanittukkut illup iluani timersortalissapput. Assiliisoq: Leiff Josefsen

Kommuneqarfik Sermersuumi kommunalbestyrelsip suliniutissatut aalajangiussaqarpoq kommuneqarfimmi nunaqarfinnut iluaqutissanik, tassalu:

Kulusuk sullissivittaassaaq aamma nutaamik puttasulerneqassaaq.

Qeqertarsuatsiaat kommuneqarfiup biiliinut assinginullu uninngasarfittaassaaq.

Arsummi utoqqaat illuat iluarsartuunneqassaaq.

Qeqertarsuatsiaani illup iluani timersortarliortoqassaaq.

Sermiligaaq qatserinermut atortuutiminut toqqorsivittaassaaq.

Sermiligaap aamma Kangerlussuatsiap akornanni illuaqqiortoqassaaq piniariartarfimmik.

Tiniteqilaaq nutaamik umitsianut puttasulerneqassaaq.

Tunumilu nunaqarfinni sunngiffimmi klubbinut ataatsimoortumik suliniuteqarneq aammattaaq missingersuutinut ilanngunneqarpoq.

Powered by Labrador CMS