Juullip inua sulilerpoq
Ippassaq juulip inuata allakkani siulleq nunarsuarmut aallartippaa. Tamanna pivoq Katuami.
Annonse
Nalornisoqarsimassaguni tamanna suujunnaarsimassaaq. Soorunami juullip inua nunatsinneersuuvoq. Ippassaq meeqqat inuillu meerarpaluttut Katuami Juullip inua sulisoq takuniarsinnaavaat, ukioq manna allagarsiarpassuarminik akissuteqarluni allannerani.
Nunarsuarmit tamarmit meeqqanit allagaapput, tamarmillu akineqarput.
Kalaallit Nunaanni Juullip inuanit allaffigineqarusukkaanni uunga allaannariaavoq: Julemanden 2412, taava juullip inuata akissut apuunniarsarissavaa.