Nunat avannarliit ilisimasaqarfigikkit

EU-mi nunarsuarmilu pissutsit oqallisaaruttulersut nunat avannarliit peqatigiiffiata suliniutigaa qallunaajaqqat nunanik avannarlernik ilisimasaqarnerunissaat.

Nordeniskolen.dk tassaavoq atuarfiit attaveqaataat nutaaq, ilaatigut nunani avannarlerni illoqarfiit ikinngutigiit nassaassaallutik.

Foreningen Norden nittartakkamik pilersitsivoq atuartut attaveqaateqarfissaanik suleqatigiiffissaanillu imaqartumik.

Taama allappoq Nordjyske.

- Nunat avannarliit tassapput nunat tamarmik kitaaniit Kalaallit Nunaanniit timmut Finlandimut, Jyllandip avannaani immikkoortortami siulersuisunut ilaasortaq Aalborgimeersoq Bo Knudsen oqarpoq

Nittartagaq atuarfinni atorneqartussatut eqqarsaatigineqarpoq ilaatigullu nassaasaassapput klassit ikinngutigiit, tassani allaffigeqartigiittarnissaq paarlaasseqatigiittarnissallu eqqarsaatigineqarlutik.

Tassunga ilanngukkaani isissutissaqassaaq taamaalilluni immikkoortunut matoqqasunut ilannguttoqarsinnaalluni.

Aamma oqaatsinik ilinniartitsinissamut ilitsersuuteqarpoq kiisalu fagini allani nunat avannarliit sammineqarnissaannut isumassarsiortoqarsinnaalluni.

Powered by Labrador CMS