Siumup immikkoortortaqarfii: Aleqa tapersersorparput
Aleqa Hammond illuatungiliuttut siulittaasuattut ingerlalluarpoq, nunatsinni Siumup immikkoortortaqarfiini sisamani taama isumaqarput
Illuatungiliuttut siulittaasuattut Aleqa Hammond nalunnginneqarpoq inatsisartut oqaluttarfianiit sakkortuumik oqalugiartarnermigut, arlalissuarnillu inatsisartunut paragraf 36-i atorlugu apeqquteqartarsimalluni. Sapaatip akunnerani kingullermi ataasinngornermi Atassut Siumullu inatsisartuni teknikkikkut imminnut suleqatigiikkunnaarput, Atassutillu siulittaasuata Gerhardt Petersenip Siumut aporaakkumasuunerarlugit saammarsagassaanngitsumik ingerlatsisimasutut isornartorsiorpaa.
– Isumaqarpunga pissusissamisoortumik Aleqa Hammond illuatungiliuttut siulittaasuattut ingerlatsisoq, Narsami siumut immikkoortortaqarfianiit Paulus Broberg oqarpoq.
Siumut Maniitsoq siulittaasortik aamma tapersersorpaat, isumaqarlutillu Siumut pissusissamisut politikkertik ingerlakkaat.