Juullip inua allami najugaqalerpoq
Ukioq manna juullip inuata danskit meeraasa allagaat akissuteqarfiginiarlugit allakkerisarfimmit qitiusoqarfimmit tamanit ikiorneqassaaq.
Juullip inua suli Nunatsinni najugaqartuuvoq imaluunniit Qalasersuarmi. Kisianni danskit meerartaat tunissutissarserusoqisut juullimi allakkatik akitikkasuaqquaat, tamannalu periarfissaqarpoq.
Taamatut allaaserisaqarpoq 3F.
Juullip inua allami najugaqarfeqalerpoq: Juullip Inuata Allakkerivia, 0900 København C.
Allakkap puuanut tamanna allaguk. Taava allakkat tunissutisiassanik kissaatinik allattuivigisaq Danmarkip allakkanik immikkoortiterisarfiip annersaanut pissaaq. Post Danmarkip qullersaqarfia Københavnimi Tietgensgademiittoq.
Lars Kaspersen, attaveqarnermut pisortaq Post Danmarkimilu juullip inuata tusagassiuutitigut oqaaseqartartua, naapertorlugu allakkerisarfimmi qitiusoqarfik tamarmi taamatut suliaqartinneqassaaq. Siorna juullip inuata najugaqarfigaa Rensdyrvej 1 Københavnimiittoq, ukioq mannali tassa annertusineqarluni.
Siorna juullip inuata ikiortaasalu meeqqat 10.000-it allagaat akissuteqarfigaat.