Qeqertarsuarmi timminissat taamaatinneqartut

Air Greenland maannakkorpiaq Qeqertarsuup tunuani pilersaarutaasumik qulimiguulimmik angallassinissaminut annertuumik ilungersunartorsiorpoq, ilaasussallu pineqartut bilitsimik utertinnissaannut neqeroorfigineqarput allatigut angalanissaminnik ujaasisinnaniassammata.

Tamanna tusagassiuutitigut nalunaarummit erserpoq.

Ilungersunartorsiornermi arlallit ataatsikkoortunerannik peqquteqarpoq. Ilaatigut timmisartuutileqatigiit S61-at maannakkorpiaq atunngilaq motoriatat taarsernera peqqutigalugu, ilaatigullu 'taartissaa' Bell 212 Nuummi saperngulluni. Sapaatip akunenrani kingullermili Nuumippoq sinerissamili silartoqarneratigut Ilulissanut timmisinnaasimanani, tassani sumiiffinnut assigiinngitsunut timmisartuussisussaagaluarluni.

Tamassuma kinguneraa ilaasut apuuffissaminnut apuussinnaannatik, ullunullu tulliuttunut silassaq aamma pitsaavallaarani.

Air Greenlandip nammineerluni decembarip 10-ata tungaanut bilitsit utertinniarlugit neqeroorutigaa aamma bititsit utertinneqarsinnanngikkaluartut, taamaalillutik ilaasussat soorlu Disko Linep angallataannik angalasinnaassallutik. Tamanna periarfissaanngippat soorunami qulimiguulimmut ilaanissamut inniminniisoqarsinnaavoq, periarfissarlu siulleq atorlugu Air Greenlandip timmisartuussissaaq, inuillu namminerisaminnik najugaqarnissaminnut periarfissaqanngitsut Air Greenlandip nerinissaannut ineqarnissaannullu akiliutissavai.

Ilaasut eqqorneqartut Ilulissani Aasiannilu Air Greenlandip allaffianut saaffiginneqquneqarput.