Qeqqani Ilinniarnertuunngorniarfimmi rektori nutaaq
Kultureqarnermut, ilinniartitaanermut, Ilisimatusarnermut Ilageeqarnermullu naalakkersuisoqarfiup Nuummi Qeqqani Ilinniarnertuunngorniarfimmi ukiortaamiit rektoritut nutaatut atorfinitsippaat Birgitte Hertling.
Nuummi GU ukiortaamiit arnamik pisortaqalissaaq. Tassalu Birgitte Hertling 56-nik ukiulik meeqqat atuarfiani ilinniartitsisuunermi sanatigut aamma Eskimologimi kandidatitut ilinniarsimasuusoq. Siusinnerusukkut ukiuni 11-ani Qeqqata Ilinniarnertuunngorniarfiani kalaallisut ilinniartitsisarsimavoq siunnersuisutullu sulilluni.
Birgitte Hertling aqutsinermik, allaffissornermik aningaasanillu aqutsinermik misilittagaqarpoq ilaaigut ukiuni arfineq marlunni KIIIP-imi ilinniartitsinermut inspektøritut sulinermini tassani nunatsinni ilinniarnertuunngorniarfinnut apeqqutinut akisussaasuulluni, kiisalu KIIIP-imi imikkoortortami pisortaagallarsimalluni.
Birgitte Hertling ukiorpassuarni inuusuttut ilinniarnissaannut tunngasunik siunnersortarsimavai, kingullermik Danmarkimi kalaallinut ingerlaqqittumik ilinniagaqartunut siunnersuisutut.