Løkke 4 millionit atorlugit timmisartortoq
Lars Løkkep angalanermut kontoani Ekstra Bladet paasiniaasoq
Statsminister Lars Løkke Rasmussen ( V) ukiuni siullermi statsministeriunermini 4 millioner koruuningajaat atorlugit timmisartorsimavoq. Imaluunniit eqqornerusumik: 3.934.625 koruunit atorlugit. Timmisartumik assartorneqarnermi manna tikillugu Løkke aningaasartuuteqarnerpaajusimavoq - timmisartunut nalinginnaasunut ilaanissaminut taarsiullugu timmisartunut attartukkanut ilaajumanerusarami.
Kisitsisit tamarmik Statsministereqarfimmiit pisortatigoortumik nalunaarutigineqarput. Pisuni pingasuni nulia Solrûn aningaasartuutinut ilaasimavoq. Tassalu Japan-imut, Koreamut Kujallermut aamma Simgapore-mut, Kalaallit Nunaannut aamma Trinidad & Tobago-mut angalanerni.
Katillutik, angalanerit naatsorsorneqarneranni, 28-riarluni timmisartunut ilaanerit agguaqatigiissillugu ataaseq 145.000 koruuninik akeqarsimavoq.