Tine Bryld suli ilisimanngilaq

Tine Bryld sapaatit akunnerisa marluk matuma siorna inuunerminut ulorianartumik qaratsamigut aanaartooroq. Kingorna nunatta anaanarsiaa inuunermik navianartorsiorpoq.

Tine Bryld angerlarsimaffimmini uppippoq qujanartumilli pulaarteqarallartilluni taakku erngerlutik ikiortissarsiorput. Tamassumalu inuunera annaassimasinnaavaa. Taama allappoq B.T.

Rigshospitalimut anngummat nakorsat isumaginninnermut siunnersortip radiukkullu aallakaatitassiortartup nuannerineqarisup anersaartuutilernissaa aalajangerpaa - tamannalu qaratsakkut aanaartoornermi qaqutigoortumik periusiusarpoq, tassuunaatigullu takuneqrsinnaavoq qanoq perulutsiginersoq, aviisi allappoq.

Ulluni kingullerni 70-inik ukiulik "Tværsimik" aallakaatitsisartoq peqqissiimisimavoq taamaattumillu anersaatuuteqartinneqarnera annikillisikkiartuaarneqarluni. Maannakkut BT nalunaarpoq isimi illua uisilaarsinnaagaa inussamilu ilaat aalatissinnaallugu, tamannalu isumallualersitsivoq.

Tine Bryldip ilaqutai ikingutaalunniit qaratsaminik aanaartoorneranut atatillugu oqaaseqarusunngillat.

Powered by Labrador CMS