Juullip Inua 16.12 angerlassaaq
Juullip Inua eqqortoq - soorunami - timmisartorluni Kalaallit Nunaannut angerlassaaq
Timmisartortitseqatigiiffik ilaaffigiumasartakkani Air Greenland soorunami ilaaffigalugu Juullip Inua eqqortoq Kalaallit Nunaanneersoq sisamanngorpat 16. december Kangerlussuarmut akunnissaaq, tamatumalu kingorna tuttunik qimuttulerluni ingerlaannaq aallassalluni. Ilulissanit 500 km-inik avannarpaissinnerusumukassaaq, tassani illorsuaqarami.
Sumerpiaq innersoq oqaatigiumanngilaa. Isertuunneqartariaqarmat, nammineq ikiortinilu sulinissaminni akornusersorneqarumanatik.
Aalborg-imi Gammel Torv-imut Juullip Inua tikeraaqqammerpoq, tassanilu ajuussaarutigalugu meeqqat tamaasa ilassinngitsoorsimagamigit, 27. november kingullermik Aalborg-imiikkami.
Gammel Torv-imi Juullip Inuata uppataani issianissaq meeqqat ilaasa qunugaat, unali nviarsiarannguaq nangaanngivilluni kissaateqaarpoq 'Inuusamik Barbie-mik - takisuunik nujalimmik'. Juullillu Inuata angajoqqaavi isigeriarlugit oqarpoq 'Ho-ho-ho', kissaataalu eqqaamajumallugu oqarluni.
Ulloq tanna 16. december Kangerlussuarmiit Danmark-iliartut Juullip Inua timmisartoqatigissavaat, Juullertinnagu nunarsuarami tamarmi suliassaminik allatut ajornartumik naammassinnikkiartortussaq.
*White Christmas-imut juullimut assiliinissami* Aalborg aamma Danmark ulluni makkunani naleqqulluinnarput sila eqqarsaatigalugu, sapaatilli akunnerata naanerani 5-6inik kiannissaa ilimagineqarpoq, taamalu juulli qaqortoq suli qularnaarneqarsinnaanani, immaqalu juulli qaqortoq Kalaallit Nunaanni pisariaqartinneqarluinnassaaq.