Christian BBC-mi imminornermik eqqartuivoq

Christian Elsner Nanookkunneersoq oqaluttuarpoq ikinngutini marluk imminut toqunneratigut annaasimallugit.

Tamanna BBC-mi ingerlanneqarpoq.

Taalliani nassuiarpaa aamma naatsumik taama taaguuserlutu filmiliarisimasani.

Filmi naatsoq imminut toquttarnermik pinaveersaartitsisuussaaq apersorneqarninnilu nammineq tassunga tunngatillugu misilittakkakka eqqartorpakka, meraallungami ikinngutikka marluk annaavakka, taallamilu oqariartuutigineqarpoq samungarsuaq nakkarsimagaluarluni neriuutissaqartuaannartoq. Aajuna taalliaa:

Inuup Tarraa

Kussinermi issiavoq
Ilisarnarluni ilassivoq
Nalligeqqunani alaannarluni
Nikuilluni ingerlavoq

Inuup Tarraa Ersinngilaq
Inuup Tarraa Ersinngilaq
Inuppassuit Nakkaannikut
Iluliarsuit Qaararnikut

Sumummitaava pisimanerlutik?

Uteqqissanerlutik nalunaqaaq

Inuup Tarraa Ersinngilaq
Inuup Tarraa Ersinngilaq
Qaqeqqikkuit tigummiaannaruk
Eqqaamassuat Nukittuullutit
Inuunerit immigassaavoq suli
Mianersorlutit atoruk

Inuunerit Paaralugu!
Inuunerit Ipararnagu!
Inuunerit Erligiuk!
Inuunerit Pingaartiguk!

Christian Elsnerimik oqaloqateqarnera tusarnaarsinnaavat uani