Aabilleeraq sølviusumik Nersornaaserneqarpoq
Ippassaq decembarip 9-ani 2010 umiarsuaaqqap naalagaa soraarneq Abel Silassen ("Aabilleeraq") Nanortalimmi nalliuttorsiorpalaartumik sølviusumik Nersornaaserneqarpoq.
Siulittaasoqarfimmiit Aabilleeqqap nersornaaserneqarneranut tunngavilersuutigineqarpoq kulturitta tammatsaaliorneqarnerani piffissami sivisuumi annertuumillu nersortariaqartumik suliaqarsimanera.
Siulittaasoq Abel Silassenimut oqaaseqarpoq imaattunik:
- Tunniusimallutit akuuffigisimasatit amerlaqaat, maannalu tamaasa taagornissaat annertuallaassaaq. Nalunngilarpulli 14-inik ukioqarlutit qajartaaqqaartutit paasisakkalu malillugit 1944-mi piniartorsuartut Kommunerådimit allagartartaartinneqarputit, taamanilu 19-iinnarnik ukioqarputit.
- Tamatuma kingorna umiartortutut ilinniarputit 1953-imiillu 1994-imut umiarsuarmi naalagaavutit, ukiuni siullerni 20-ini taamani Kongelige grønlandske Handeliusumi tamatumalu kingorna ukiuni 21-ini peqqinnissaqarfimmi. Peqatigiiffiit arlallit aallarneeqataaffigisimavatit, taakkununnga ilaapput angallatit naalagaasa peqatigiiffiat 1965-imi, Nanortalimmi Katersortarfiutileqatigiit aammalu Brugsen Nanortalik. Tamatuma saniatigut Nanortalimmi Kommunalbestyrelsimut 1967-imit 1972-imut ilaasortaasimavutit ilagiillu sinniisaannut 1977-imit 1998-imut ilaasortaasimallutit.