Inuusuttut sanaavi piumaneqarluartut
Juullimut tunissutisiassat piareernissaanut piffissanngorpoq, Piorsaavillu nuummiittoq inuusuttut sanaavinnik pisiassaatiminnik tunisilluarsimapput
Annonse
Ilioraaviit, puugutaasiviit inuusat siniffeeraallu ulotut ilusillit. Tassa taakkuupput pilerigineqarnerpaat piorsaaviup inuusuttunut 15-niit 25-nut ukiulinnut unittoornikunut suliffiusup inuusuttaasa suliarisartagaasa ilaat. Piorsaavik namminneq pilersitaminnik, pequtillu nutarsakkat tuniniartarpaat.
Juullip tungaanut inuusat siniffeeraat ulotut ilusillit arlallit tunisimavagut, arlallillu aamma danmarkimut nassiuttarsimallutigit, atoqqiinermik nutaanillu pilersitsivimmi aqutsisoq Nina Esrassen oqarpoq.