Lars-Emil: Palasit akaallit atorfinitsissigik
Ilageeqarnermut ministeri Birthe Rønn Hornbeck ullumi marlunngornermi paragraf 20 naapertorlugu Lars-Emil Johansenimit apeqquteqarfiginerqarpoq. Kajumissaarutigaa Danmarkimi palasit marluinnik oqaasilit atorfinitsinneqaqqullugit.
..Namminersorlutik Oqartussat Danmarkimi kalaallinik atorfeqartitsinermik unitsinnissaa eqqarsaatigalgu ministerip eqqarsaatigisinnaavaa kalaallit palasit marluinik oqaaseqartut Danmarkimi atorfinitsinnissaat, taamaalillutik kalaallit innuttaasut Danmarki najugaqartut ikinnerussuteqartunut kiffartuussisinnaallutik, soorlu Kalaallit Nunaanni ilagiinniit qallunaat ikinnerussuteqartut Kalaallit Nunaanniittut kiffartuunneqartartut?
Lars-Emil Johansen Siumumiit Folketingimiittoq ullumi marlunngornermi Danmarkimi ilageeqarnermut ministerimut apeqquteqarpoq, Danmarkimi palasit kalaalisut oqaasillit atorfinitseqqullugit kajumissaarutigalugu, taamaalilutik kalaalerpassuit Danmarkimiittut kiffartunneqarsinnaallutik. Taamatut kajumissaarivoq Kalaallit Nunaanni naalakkersisut nalunaaruteqareersulu Danmarkimi nalinginnaasumik palaseqartitsineq akilertarumajunnaarniarlugu.
Taamalillutik kalaalerpassuit Danmarkiiittut ullumikkut kalaallisut naalagiarsinnaasut oqaaserisartillu atorlugit inuunerminni atugarliornerminni palasimik ikiorneqarsinnaasut sumiginnarneqassapput.
Kalaallit Nunaanni qallunaat palaseqartinneqarnerat tunngavigalugu Lars-Emil Johansenip pissusissamisoortutut isigaa, Danmarkip kalaallit kalaallisut naalagiarsinnaanissaata qulakkiissappagu, kalaallit naalakkersuisuisa akilertarunnaarpagu.