Nuuk Imeq-p tunuani ikuallannerit
Arfininngornerup unnuaani illuaraq ikuallappoq sapaatillu ullaavani aamma containeri ikuallalluni
Arfininngormat unnuakut nal. 23 aamma 24 akornanni Nuuk Imeq-p tunuani illuaqqamik ikuallattoqartoq nalunaarutigineqarpoq.
Qatserisartut takkummata inneq eqqaaniittunut containerinut siaruaassimavoq. Politiit aqqusineq asserpaat taamaattumik assiliisup ikuallattoq tikissinnaanngilaa assilillugulu.
Qatserisartut akunnerup ataatsip missaani inneq qaminniarpaat. Ikuallannermut suna pissutaanersoq politiit suli paasinngilaat.
Sapaatiummat ullaakkut containerinik ikuallattoqartoq nalunaarutigeqqinneqarpoq. Taanna sukkasuumik qaminneqarpoq. Ikuallannermut pissutaasoq politiit suli paasinngilaat, aammalu ilisimanagu sapaammi ullaakkut ikuallanneq arfininngormat unnuakkut ikuallannermut attuumassuteqarnersoq. Taamaasilluni ilisimaneqanngilaq sapaatiummat ullaakkut ikuallattoq ikuallatsitsinermit pisuunersoq imaluunniit arfininngormat ikuallannerup aamaanit imminut ikissimanersoq.