Silap pissusaanut ataatsimeersuarneq kisitsisinngorlugu
Nunarsuaq tamakkerlugu silap pissusaa pillugu isumaqatigiissuteqarniarlutik nunarsuarmi tamarmi silap pissusaanut ministerit inuillu allat nuimasut Mexocomi katersuutissapput.
Naalaakkersuisut siulittaasuat Kuupik Kleist ukioq manna silap pissusaa pillugu ataatsimeersuarnermi COP16-mi peqataassaq. Tamanna pissaaq Mexicomi Cancunimi decembarip 3-ani.
Isumaqatigiinniutigisassaallu mianernartuuvioq, tassalu nunarusarmi tamarmik CO2-mik aniatitsineq.
Silap pissusaapillugu ataatsimeersuarnermi kisitsisit makkuupput:
* Novembarip 29-aniit decembarip 10-anut Mexicomi seqinnisaartarfimmi Cancunimi FN-ip sila pillugu ataatsimeersuarnertaa COP16-ip ingerlanneqarnerani nunat 194-it peqatatitaqassapput.
* Nunat 140-ngajaat 2009-mi Københavnimi silap pillugu ataatsimeersuarnermi nalunaarut The Copenhagen Accord pituttuisuunngitsoq ilannguffigaat.
* Ilaatigut nuna tassaapput CO2-mik aniatitsinikkaat soorlu USA, Kina, Indien, Rusland aamma EU. Annertuumik akerliusut tassaapput Bolivia, Venezuela aamma Sudan.
* Nalunaarutip oqaasertai naapertorlugit nunat neriorsuutigaat ukiuni tusindilikkaani kingullerni suliffusuaqalinnginnera siuliani silap kissassusaanut naleqqiullugu taamaallaat gradinik marlunnik qaffasinnerulissasoq.
* Nunat pisoorsuit neriorsuutigaat nunanut ineriartortunut 2010-miit 2012-mut ukiunut 10 milliard dollarsinik (54 milliard koruunit) silap pissusaanut ikiuigasuarniarlutik. Aningaasat 'nutaajusariaqarput'.
* 2020-miit nunani ineriartortitani silap pissusaanut nalimmassaatitut minnerpaamik ukiumut 100 milliard dollarsinik (540 milliard koruunit) aningaasaliinerit amerlineqassasut.
* Avatangiisinut aningaasaateqarfimmik pilersitsisoqassaaq nunanut ineriartortitanut silap pissusaanut tapiissutinut atorneqartarsussanik. Aamma teknologi nutaap pilersinnissaa sukkanerulertariaqarpoq.
* 2012-ip kingorna Kyotomi isumaqatigiissutip immikkoortuata siulliup naanerani piffissamut CO2-mik annikinnerulersitsinisamut anguniakkanik pituttuutaasunik oqaasertaqanngilaq.
* Nunat tamarmik immikkut silap pissusaanut anguniakkaminnik nalunaassapput. Maannamut neriorsuutigineqartut naapertorlugit 2100-ip tungaanut nunarsuaq minnerpaamik gradinik pingasunik kissarnerulissaaq.
Taama allappoq Ritzau.