Dorisip atuartut angerlarsimaffi kamaatigai
Nanortalimmi atuartunut angerlarsimaffik annertuumik oqoqarpoq. Ineeqqat ilaat inigineqarsinnaanngillat.
Doris Jakobsen paasissassarsiorluni angalaqqammersoq ilaatigut Nanortallip nunaqarfiiniit atuartunut anginernut angerlarsimaffiit takuniarsimallugit. Takusanilu Siumut sinnerlugu Inatsisartunut ilaasortap nuannerinngilai.
- Atuartut angerlarsimaffiat aserfallassimaqisoq atuartunut sulisunullu isersimaffigissallugu takujuminartuunanilu peqqinnagitsoq, taama Doris Jacobsen allappoq.
Maluginiarpaa arlaleriarluni najugaqaarfiup iluarsaannissaanut aningaasaliisoqartarsimasoq, aammali siusinnerusukkut suliarineqartarsimavoq, illuli ima aserfallatsigisimavoq iluarsaassinerit kinguninngua ileqqumisut ilisarluni.
Ullumikkut annertuumik oqoqarpoq siallertillugu imeq ilummut kuuttarluni, tamannalu peqqutigalugu ineeqqat ilaat matuneqarsimapput inigineqaqqusaanatik. Atuartut ineraasa igai tamarmik asbestoluximik 12,5 millimeterimik qallerneqarsimapput.
- Asbest ullumikkut sanaartornermi atorneqaqqusaanngilaq, ingammik inini inunnik najugarfiusussani, Doris Jacobsen allappoq.
Takuniaareernerup kingorna aningaasanut inatsissami siunnersuutiginiarpaa Nanortalimmi nutaamik atuartunut angerlarsimaffiliortoqarnissaa.