Ilinniatut aatsaat taama amerlatigaat
Kalaallit inuusuttut aatsaat taama amerlatigisut ilinniarput - ilaat nunatsinni ilaallu Danmarkimi.
DR P4 Radioavisimi ilinniartitaaneq sammineqarpoq, tassanilu oqaloqatigineqartut ilagaat 24-nik ukiulik Ujammiugaq Engell Nuummi peroriartorsimavoq maannakkullu Københavns Universitetimi oqaluttuarisaanermik ilinniartoq.
Oqaluttuarpoq peqaterpassuani qaffasissumik ilinniartut. Danmarkimi ilinniarnissi qangalili aalajangereersimavaa, Nuummulli uteqqikkusuppoq.
Taamaatiinnartarnerli suli annertoqaaq; Kalaallit inuusuttut ukiumi aalajangersimasumi inunngorsimasut taamaallaat 40 procentiisa ilinniakkatik naammassisarpaat.
Tamanna annermik angerlarsertarnermik peqquteqartoq ilinniartitaanermut naalakkersuisup Mimi Karlsenip oqaatigaa - ilinniarusukkaanimi nuuttariaqarpoq. Ilinniartitaanermut naalakkersuisoqarfimmi inuusuttut ilinniakkaminnik naammassinissaannut ikiorniarlugot aningaasat amerlasuut atorneqartarput. Odensemi Kalaallit Illuutaani coachimik atorfinitsitsisoqarsimavoq ilinniartut inuttut aningaasatigullu ajornartorsiutaannik ikiuiniartussanik.
Ilanngutassiaq aallakaatitap aallartinnerani minutsit 12-it qaangiunneranni tusaaneqarsinnaavoq.