Qaqortumi ulloq inuussutissarsiutileriffik

Umiarsuaq alapernaarsuut Ejnar Mikkelsen sisamanngormat Qaqortumi GU-mi ilinniagaqartunut ammatinneqarpoq umiarsuarmi takornariartinneqartunik aammalu Sakkutuuni Imarsiortuni atorfissarpassuarnik ilinniagaqarnissamullu periarfissarpassuarnik paasitinneqarlutik.

Umiarsuarmi inuttap kalaallip, overkonstabel Aputsiaq Egedep, Narsarmiup, umiarsuarmi sulinini oqaluttuaraa.

Umiarsuup naalagaa Peter Holst-Andersen umiarsuup alapernaarsuutip suliassarpassuinik paasissutissiivoq erseqqissarlugulu nunatta imartaani umiarsuarni alapernaarsuutini kalaallinik inuusuttunik amerlanerusunik atorfissaqartitsisoqartoq, oqaatsit nunamillu ilisimasaqarneq eqqarsaatigalugit.