Nunaqarfiit siunissami periarfissaat eqqartorneqassapput
Ulluni aggersuni 14-ni nunaqarfinni Ikarasammi Upernaviup eqqaaniittumi aammalu Akunnaanni Aasiaat eqqaaniittumi nunaqarfinni pineqartuni siunissami periarfissat ujartorlugit isumasioqatigiissitsisoqassaaq
Isumasioqatigiissitsinissani anguniarneqarpoq nunaqarfiit ineriartornissamut nutarsarnissamullu periarfissaat nunaqarfinni najugaqartut peqatigalugit ujartornissaat. Isuma-sioqatigiissitsineq nunaqarfinni innuttaasunut periarfissanik tunisissaaq, qanoq iluminni pitsaasumik ineriartornissaq allannguerusunnerlu nammineq anguniarsinnaanerlugu, naak atugassarititaasut periarfissarititaasullu tulluarsarnissaannut unammillernarsinnaagaluatut.
Isumasioqatigiisitsinerit nunat avannarliit killiit, Island, Savalimmiut aamma Kalaallit Nunaata suleqatigiinnerannut atatillugu suliniutit ilaannut ilassutaavoq. Suliniut taaguute-qarpoq ”Vestnorden – Foresight 2030 – bygdernes fremtidsvisioner”(VNF – 2030) (”Avannaamioqatigiit Killiit Akornanni Siumut Isiginninneq 2030 – siunissaq pillugu nu-naqarfinni takorluukkat”). Suliniut aningaassaliifigineqarpoq Nunat issittumi suleqatigiit Nunani Avannarlerni Ministerit Siunnersuisoqatigiivisa ataaniittoq. Kalaallit Nunaannit KANUKOKA Namminersorlutillu Oqartussani Nunamik Pilersaarusiornermut Immikkoortortaqarfik suleqatigiillutik suliniummi peqataasuupput.
Suliniummi anguniarneqarpoq sumiiffinni pineqartuni tulluarsakkanik innuttaasullu peqataaffigisaanik ineriartortitsinissaq, sumiiffiit atugassarititallu assigiinngissutaat naapertul-lugit. Isumasioqatigiisitsinerni ersersinniarneqarpoq nunaqarfiit peqatigalugit siunissami nunaqarfinni periarfissat ujartussallugit. Suliniut nunaqarfinnut aningaasanik tunisinngi-laq. Kisiannili nunaqarfiit nammineerlutik ingerlateqqitassaminnik tikkuaassapput. Nunaqarfinni ilisimasallit marluk isumasioqatigiisitsinerni ingerlatsisuussapput.