Danmark nunatsinnik ilisimasakippallaaqaaq

Qallunaat nunarput ilisimasaqarfigivallaanngilaat, tusagassiortoq atuakkiortorlu Jan Cortzen Ekstra Bladetimi allappoq.

Kalaallit Nunaannik ilisimasat isummiutiinnagaannaapput, Kalaallit Nunaalli tunniussassarpassuaqarpoq, atuakkiortoq tusagassiortorlu Jan Cortzen allappoq.

- Kalaallit Nunaata nioqqutissanik eqqussugaasa 95 procentii Danmarkimeersuupput. Qallunaat untritilippassuit kalaallit ingerlatsiviini sulipput. Kalaallit Nunaat isumannaatsuunikkut politikkimi inissisimaneralu pingaaruteqalersimavoq, milliardilikkaanik nalilinnik uuliaqaratarsinnaanera aatsitassaqaratarsinnaaneralu pissutigalugit. Nato-mullu ilaasortaaneq qularnanngitsumik immikkut milliardilikkaanik akeqassagaluarpoq, Kalaallit Nunaanni sakkutooqarfinnik amerikarmiunut atugassaqartitsisimanngitsuugutta.

Taamatut Ekstra Bladetimi ullumi saqqummersumi tusagassiortoq atuakkiortorlu Jan Cortzen allappoq, tassani allaaseralugu nunasiaqarsimasut inuiaat assigiinngitsut qanoq pisarsimaneraat. Assersuutigalugu Belgia, naakkittaatsumik peqqarniitsumillu nunasiani Congo atorsimallugu inuiaqatigiiaallu ilivitsut toqorarlugit.

- Nuna nunaasiaateqarsimasoq suli nunasiaatigisimasaminik akisussaassuseqartutut misigisimasutuaq tassaavoq Danmark. Tamanna pivoq inatsisikkut, demokratiskiusumik aalajangiinikkut ukiumut milliardinik arlalinnik Kalaallit Nunaanni Namminersorlutik Oqartussanut atugassaqartitsiarnikkut. Nunasiaateqarsimasut allat ilaannaalluunniit taamaasiunngilaq.

- Danmarki- nunasiaateqarsimasunut allanut sanilliullugu - issittumi nunasiaminik atornerluisimasutut ilerasuuteqartariaqanngilaq.

- Ilisimasat tassaaginnarput ilisimaneqarluartut isummiutiinnakkat naapertuutinngilluinnartut, tassa kalaallit ullaamiit unnummut imiinnartuusut, arnartatik unatartaraat meeqqatillu kaatsillugit. Aatsaat taama ilumuunngitsigisoqarpoq, Jan Cortzen isumaqarpoq.

Powered by Labrador CMS