"Knud Rasmussen"-ip inuit qulingiluat qimagutsippai
Angallat uiluinniiut qulingiluanik inuttalik Nuup Kangerluata avannaani ikkarlippoq uerujussuarlunilu. Inunnik ajoqusertoqanngilaq.
Ullumi, sisamanngornermi nalunaaqutaq 11.39 Kangilinnguani sakkutooqarfimmi sakkutuut naalagaartaat pigaartoq ikoqqulluni nalunaarfigineqarpoq Nuup Kangerluata avannaani 25 sømilit missaannik avannarpasissusilimmi ikkarlittumit.
"Sonja Kiil II", uiluinniut qulingiluanik issimasulik, ikkarlissimavoq uerujussuarlunilu. Taamatut paasissutissiivoq Kangilinnguani sakkutooqarfik.
- Tamaaniissimavoq alapernaarsuut "Knud Rasmussen", akunnialunnguit sioqqullugu Nuummi aallarsimasoq. Taanna "Sonia Kiil II"-mukartinneqarpoq issimasullu qimagutsillugit.
- Minutsit 15-it ingerlareersut "Knud Rasmussen"-ip naalagaa Lars Rieks nalunaarpoq ikkarlittoq erserlugu. Tamaani sila pissutigalugu "Knud Rasmussen"-ip angallataa SAR atorneqarsinnaasimanngilaq. Taarsiullugugummibådi annaassiniarnermi atorneqarpoq. "Sonja Kiil II"-mi inuttat annanniutilersimapput kingonalu gummibådimik "Knud Rasmussen"-imut ikaanneqarlutik.
Kangilinnguani sakkutooqarfiup nalunaarutigaa qimarngussineq allamik pisoqaqqinnani ingerlasimasoq nalunaaqutarlu 13.38 naammassisoq, taamaasinerani Kangilinnguani sakkutooqarfik nalunaarfigineqarluni inuttat tamarmik "Knud Rasmussen"-imut ikineqarsimasut.
Sisamanngormat 16 missaani suli aalajangerneqanngilaq qanoq isilluni "Sonja Kiil II" kaanngartinniarneqassanersoq.