Aakkut misissortinnissamut utaqqisorpassuit

Sana sukkortunik suliaqartut Nuummilu sukkortut peqatigiiffiata ullumi sapaatiummat nunarsuaq tamakkerlugu sukkornermut ulloq 2010 malunnartippat, inuppassuillu periarfissaq atorluarlugu aammik sukkoqarnera misissortippaat

Nukaaraq Pavia Dahl 18-nik ukiulik nakorsamit Mikael Lynge Pedersenimit aassiorneqartoq. Assi: Leiff Josefsen
77-nik ukiulik Rasmus Thomassen sukorsorinngilaq, periarfissarli atorluarniarpaa. Assi: Leiff Josefsen
Nukaaraq Pavia Dahl 18-nik ukiulik nakorsamit Mikael Lynge Pedersenimit aassiorneqartoq. Assi: Leiff Josefsen 77-nik ukiulik Rasmus Thomassen sukorsorinngilaq, periarfissarli atorluarniarpaa. Assi: Leiff Josefsen Nukaaraq Pavia Dahl 18-nik ukiulik nakorsamit Mikael Lynge Pedersenimit aassiorneqartoq. Assi: Leiff Josefsen 77-nik ukiulik Rasmus Thomassen sukorsorinngilaq, periarfissarli atorluarniarpaa. Assi: Leiff Josefsen Nukaaraq Pavia Dahl 18-nik ukiulik nakorsamit Mikael Lynge Pedersenimit aassiorneqartoq. Assi: Leiff Josefsen 77-nik ukiulik Rasmus Thomassen sukorsorinngilaq, periarfissarli atorluarniarpaa. Assi: Leiff Josefsen

- Tusarpara ullumi aamma sukkoqassusaa uuttortartissinnaallugu, nappasimasutullu misigisimanngikkaluarpunga aamma sukkoqassusaa misissortikkusuppara, 77-nik ukiulik Rasmus Thomassen oqarpoq.

Nuummiorpassuit allat peqatigalugit katersortarfimmi aani misipprtippaa sukkornerlu pillugu annertunerusumik paasiniaalluni.

- Ilaquttanni sukkortoqarnersoq tusarsimanngilara, taamaallaat jorngora Airbusimi timmisartortartoq. Ajungnilarli ullumikkullu timmilluni. Isumaqarpunga nammineq uanga naviartorsiornanga, sillimmartaarnerli ajorneq ajorpoq, Rasmus Thomassen oqarpoq.

DiabetesGruppen tassaapput nunatsinni peqqinnissaqarfiup ataani suleqatigit Nuummilu nakorsiartarfimmiittartut, Nuummilu sukkortut peqatigiiffiat suleqatigalugu nunarsuaq tamakkerlugu sukkornerup ullua sapaatiummat novembarip 14-ani Nuummi katersortarfimmi nalunaaqutaq marluniit sisamanut nalunnartillugu.

Ullup qeqqanut ammarmatali inuit aammik sukkoqassusaat uuttortikkiartortarpaat.

- Taama soqutigineqartigimmat tupinnaqaaq. Nuannaarutigeqaarput. Tamassuma takutippaa inuit sukkorneq inooriaatsimullu nappaatit allat eqqumaffigigaat. Qujanartumik amerlarit sukkunngilat, nakorsaq DiabetesGruppenimilu siuttoq Mikael Lynge Pedersen oqarpoq, inunnik 35-inik aassiuisimasoq akunnerni marlunni ammanermi.

Aamma Nuummi sukkortut peqatigiiffiani siulittaasoq Sofie Heilmann Berglund sukkorneq taama soqutigineqartigimmat nuannaarpoq.

- Inuit taama amerlatigisut soqutiginnimmata nuannerpoq. Nunatsinni sukkortut amerliartorput, taamaattumik nappaatit inooriaatsimik tunngaveqartut soqutigineqalersimammata nuannerpoq, Sofie Heilmann Berglund oqarpoq, peqatigiiffitsillu nittarsaallugu

Piviusut:

Nunarsuarmi sekundit qulikkaarlugit inuit sukkorlutik toqusarput. Aammalu inuit malruk sukkulersarlutik. Sukkorneq pillugu FN-imi isumaqatigiissuterqarneq pissutsinik ilungersunartunik tunngaveqarpoq, taannalu novembarip 20-ani 2006-imi akuerineqarpoq. Isumaqatigiissut naapertorlugu ukiut tamaasa novembarip 14-at sukkornermut ullorisinneqartassaaq.

FN-imi taamatut isumaqatigiissuteqarnermut ilanngullugu toqqaannartumik kajumissaarutigineqarpoq naalagaaffiit tamarmik pinaveersaartitsinissaq, isumaginninnissaq katsorsaanissarlu pillugit politikkeqassasut.

GUllumikkut (2008) nunarsuarmi tamarmi inuit 246 millionit sukkortuupput. Taakku ukiut 15-20-it qaangiuppata 380 millioninut amerlissangatinneqarput. Taamaakkaluartoq nappaat ukiorpassuarni isiginiarneqartarsimanngilaq nunarsuarmilu aalajangiisartunit soqutigineqarsimanani. Taamaattoqarneratigut nappaat taagorneqartarpoq 'nipaatsumik toqoraasoq'. Ukiut tamaasa inuit 3,8 millionit sukkornermik toqquteqartarput. Taamaattoq nappaatit allat soorlu hiv/aids malarialu nunarsuarmi tamarmi saqqumilaartineqarnerupput, naak ukimoortumik inuit amerlanerit sukkornermik toqquteqartartut hiv/aidsiminngarnit.

DiabetesGruppen tassaapput suleqatigiit nuantsinni peqqinnissaqarfiup ataatniittut Nuummilu nakorsiartarfimmi inissisimasut. Gruppemiipput nakorsaq, peqqissaasoq, nerisassanik ilisimasalik, isikkanillu katsorsaasartut, ulluinnarni sukkornermik suliaqartut.

Nunatsinni inuit 700 missaaniittut sukkornermik nappaateqartut paasineqarpoq taakkunanngalu 200-t Nuummeersuupput.

Aallerfik:

www.diabetes.dk aamma Nuummi nakorsaaneq Mikael Lynge Pedersen.

Powered by Labrador CMS