Tv kanalit digitaliusut sisamat atulissapput

Novembarip 28-aniit nunatsinni tv kanalit sisamat isiginnaarneqarsinnaalissapput.

Naak najukkami tv-mut peqatigiiffimmiinngikkaluarluni novembarip 28-aniit tv kanalit sisamat isiginnaarneqarsinnaalissapput.

Tamanna nunatsinni tamamrik digitalinngortitsinerup aallarniutitaa, attaveqarnermut naalakkersuisoqarfimmi pisortaq Stephen Ulrich Lynge knr.gl-imut oqarpoq.

- Taamaattumik dekoderit namminersorlutik oqartussanit akilerneqaqqaarallassapput, atuisulli akilertalerumaarpaat, Stephen Ulrich Lynge oqarpoq nangillunilu:

- Kanalinik sisamanik atuinermut akiisoqartassanngilaq. Namminersorlutillu oqartussat Danmarks Radiop kanalii pingasut ukioq ataaseq misiliilluni aallakaatitsivittut atussavai.

- Tv kanalit allat atorneqarsinnaanersut misissorsimavarput, soorlu CNN allallu tv-qarfissuit, akisuallaaqaalli, Stephen Ulrich Lynge oqarpoq.

Powered by Labrador CMS