EU'p nunatsinni aatsitassat pigerusuppai
EU-mi niuernermut kommissærip ilungersuutigaa Kalaallit Nunaata aatsitassanik qaqutigoortunik piiaanissaa agguaallugillu.
Europa Parlamentetimi aatsitassat pillugit tusarniaanermi EU-mi niuernermut kommissæri Belgiami nunanut allanut ministeriusimasoq Karel De Gucht tupinnartumik kissaateqarpoq.
Erseqqissarpaa EU-mi ilaasortaasut tamarmik nioqqutissiassanik amigaateqartut. Tassalu bomuldimik qisunnillu, ingamilli aatsitassanik qaqutigoortunik.
- Kikkut tamamrik sunenrneqarput tamannami navianaateqarpoq, Karel De Gucht Forexpros.com naapertorlugu oqarpoq.
Aatsitassat aqutigoortut qaqqani Killavaat eqqaani Kunannersuarnilu nassaassaapput. Taakku atorneqartarput sakkutooqarnikkut atortussani, greentechimi elektronikinilu, batterinimi atorneqartarput kiisalu kajungerisani.
Ukioq manna taakku piumaneqarnerulersimapput, Kinamimi taakku anniseqqusaajunnaarsimapput. Taamaattumik naliliisoqarpoq ullumikkut nunarsuarmi aatsitassat qaqutigoortut 90 procentii sinnerlugit Kinami piiarneqartartut.
Forexpros.com naapertorlugu Karel De Guchtip Kinami ministerit arlallit allaffigisimavai erseqqissarlugu Kinap taakkuninnga annisseqqusiunnaarnera ajoqutaasoq.
Aatsitassanik taamaattumik EU-p pisariaqartitsinera annikillisarniarlugu Karel De Guch mannakkut erseqqissarpaa EU-mi aatsitassarsiofiit ammaqqinneqassasut Kalaallillu Nunaanni aatsitassanik qaqutigoortunik piiaanissaq tapersersorlugu. Taamaattumik EU-p Kalaallit Nunaannut attaveqarnini nukittorsassavaa, tassani aatsitassat aqutigoortut anenrtuumik pigineqarpata.