Arsarnerit sakkukipput
Ilisimatuut uissuummissutigaat arsarnerit takkuttarnerat akuttunerulersimammat.
Arnarnerit nalingissaasumik seqernup ukiut aqqanilikkaarlugit ingerlaariaasia malittarpaat, akulikinnerusumik sakkortunerusumillu takkuttarlutik kingorna annikillisarlutik.
Kingullermik annikinnerpaapput 2008-mi, sakkukinnerpaaffialli pisarnermit sivisuneroqaaq. Tamannalu ilisimatuut uissuummissutigaat, aviisi Daily Telegraph allappoq.
Arsarnerit 90-miit 300 kilometerinik qutsitsigisumi pinngortarput, qinngornerit nukittut silaannaq molekylenik atominillu qinngoraanngassuk. Taakku aporaakkaangamik nukittunerulersarput uniffeerullutik. Unikkiartuleraangata nukik sinneruttoq qaffialersarpoq qalipaatigissumik. Qalipaatit taakku silaannap qalipaatigai.
Ilisimatuut naliliipput arsarnerit ukiut qulikkaat kingulliit naajartulerneranni annikinnerulernerannut peqqutaasoq ukiuni kingullerni 100-ni piffissamit allamiit arsarnerit qaqutigoornerulersimanerannik.
Eqqoriaanerit ilagaat seqinermiit anitsinerit seqernullu milai annikinnerulersimasut taamaalillutik arsarnerit annikillillutik.