Nanortallip eqqaani imeq bakterialik
Nerisassanik nakkutilliinermik oqartussaasut Nanortallip eqqaani nunaqarfiit arlallit inappaat imeq atunnginnerani qalaattaqqullugu.
Imit misissorneqarnerisigut paasineqarpoq Nanortallip nunaqarfiini makkunani imeq napparsimalissutaasinnaasunik bakteriaqalersimasoq: Tasiusaq, Aappilattoq, Narsaq Kujalleq, Ammassivik Alluitsup Paalu.
Nukissiorfiit pissutaasut misissuleruttorpai pissutsillu pitsanngorsarnissaannut periarfissanik misissuillouni, Namminersorlutik Oqartussat nerisassanut immikkoortoqarfiat paasissutissiivoq.
Nunaqarfimmiut inanneqarallarput imeq imerneqartartoq atorneqartinnagu qalaattaqqullugu.
Aamma Tasiilap eqqaani Kuummiuni Uummannallu eqqaani Nuugaatsiami erngup qalanneqarnissaanik inassuteqaat atuutsiinnarneqarpoq. Taamaattumik Tasiilap eqqaani Kuummiormiut Uummannalu eqqaani Nuugaatsiarmiut inanneqarput imeq imerlugu atortagaq suli qalaattaqqullugu.
Annertunerusumik paasisaqarfigineqarsinnaavoq: Uumasut nakorsaat Raiku Sarvijoki, tlf.: 34 56 50 imaluunniit email rasa@nanoq.gl