Naalakkersuisut sipaaruteqarniarnerat universitetip ernumanartoqartippaa

Naalakkersuisut aningaasanut inatsimmi sipaaruteqarniarnerat Ilinniarsinnaanermut Ilisimatusarfimmi ingerlatanik, Inerisaavik ilanngullugu, eqquissaaq.

Ass.: Leiff Josefsen

Ilisimatusarfimmi siulersuisut oktobarip 13-ianni 2010 immikkut ittumik ataatsimiipput.

Ilisimatusarfiup 2011-mut missingersuutaasa oqaluuserinerani siulersuisut ernumanartoqartippaat Naalakkersuisut 2011-mut aningaasanut inatsisissatut siunnersuumminni sipaariuteqarniarfigisaat.

Sipaaruteqarfiginiarneqartutut nalunaarutigineqartut kingunerisaannik Ilinniarsinnaanermut Ilisimatusarfik, Inerisaavik ilanngullugu, eqqorneqassapput. Tamatuma kingunerisaanik meeqqat atuarfianni ilinniartitsisunik pikkorissartitsisarnerit ikilineqassapput, ilinniagaqaqqinnermik ingerlatsisut ikinnerulissapput atuartitsissutinillu ineriartortitsineq saqqummersitsisarnerlu annikillineqassapput.

- Ilinniarsinnaanermut Ilisimatusarfik sipaarniuteqarniutinik eqqorneqassappat Ilisimatusarfimmi ilinniagaqarfiit pioreersut atorunnaarsinneqassapput, tamannalu siulersuisut isumaqatigisinnaanngilaat, siulersuisut nalunaaruteqarput, erseqqissaqqillugulu inissianut inissiisarfiugallartunut inissiiniarnermut pissutsit ajortissimasut,Namminersorlutillu Oqartussat atorfinitsitaanermi inissiamik pissaqartitaanermik unitsitsinerat aaqqinneqartariaqartut, tamatuma kingunerissammagu universietimi ilinniartitsisunik ilisimatuunillu atorfinitsitsiniarnermik ajornakusoortitsineq, tamatumani pineqarlutik ilisimatuut avataaneersut atuartitsiartortartut aalajangersimasumillu sulisut.

Powered by Labrador CMS