Nanortalimmi Narsamilu TB-mut misissortittoqarpoq
Maanna Nanortalimi Narsamilu innuttaasut puallunnerlutik misissortissinnaalerput.
Oktobarip 18-aniit 30-anut Nanortalimmi innuttaasut 15 qaangerlugit ukioqartut seqissillutik pualluuteqarnerlutik misissortissinnaalerput, Naalakkersuisut nalunaarput.
Qaqortormiut suli misissortissimanngitsut oktobarip 23-ata 2010 tungaanut suli misissortissinnaassapput.
Ukioq manna kingullermeertumik innuttaasunik misissuinermi Narsami innuttaasut TB-mik nappaateqarnerlutik misissortissinnaassapput oktobarip 25-aniit 28-anut 2010. Misissortinissamut piffissaliinerit illoqarfimmi allagartaliinikkut nalunaarutigineqassapput.
Naalakkersuisut nalunaarput nappasimmavimmut ornigulluni misissortinnissaq pingaartuusoqm naaka nappaateqarsorinngikkaluarluni.
Taamaattorli pinngitsooratik seqersissanngillat:
? Naartugaanni tamanna ernereernerup kingorna pissaaq.
? 15 inorlugit ukioqaraanni. Meeqqat atuarfiani 1- 10. klassimiittut aaversillutik misissortittarput. Mikinerit pisariaqartitsineq tunngavigalugu misissortittassapput.
- Misissuinermut peqqutaavoq pualluutik akiorniarnerani periuseq naammassimanngimmat. Ukiuni tallimani kingullerni ukiumut agguaqatigiissillugu 71-it TB-tut paasineqartartillugit nunaput nunanisuut ineriartortitatuut isissimavoq, taakkunani innuttaasut 100.000-ungaangata 125-it missaaniittut TB-mik pualluuteqartarlutik. Piffissami tassani nappaatillit 20 procentii meeraapput, meeqqallu taama amerlatigisut tunillanneqarsimanerisa peqqutigaat TB-p innuttaasut akornanni atugaanerujussua, naalakkersuisut nalunaarput. .