Nuallunnermut kuppilersigit
Ukioq manna Nakorsaaneqarfiup neqeroorutigeqqippaa inunnut nualluummik tunillatsinnermi immikkut atugarliorsinnaasunut akeqanngitsumik kuppilersinnissaq.
Ukioq manna kuppilersinnerit katiterneqarsimapput ukiup taamaasinerani nualluutinut nunarsuarmi atugaanerpaanut akiuussutissatut, tamatumani ilanngullugu H1N1, nakorsaaneqarfik tusagassiorfinnut allakamini allappoq.
- Kuppilersinnerup illersuinera aallartittarpoq kuppilersinnerup kingorna sapaatit akunneri 2-3 qaangiunneranni atasinnaasarlunilu qaammatini 6-12-ini. Illersuutip annertussusaanut apeqqutaavoq kuppilersuummi virusit suut akiorniarneqarnersut, virusinut innuttaasunit atorneqartunut sanilliuolugu. Allatut oqaatigalugu virusinut nualluutinut tamanut illersortoqarsinnaanngilaq. Misilittakkat pissarsiarineqarsimasut, maanna nunarsuaq tamakkerlugu atugaasimalluni qaangiussimasoq H1N1 ilanngullugu, inuit ukioq manna kuppilersinnissamik neqeroorfigineqartut allanngortinneqassapput, nakorsaaneqarfik allappoq.
Nualluummut akeqanngitsumik kuppilersinnissamik neqeroorfigineqarput:
- Inuit kuppilersinnerup nalaani 65-inik sinnerlugilluunniit ukiullit.
- nakorsap naliliineratigut inuit qaangersinnaanngisaminnik nappaatillit
- qaangersinnaanngisaminnik pualluttut
- uummatimikkut taqqamikkullu nappaatillit (aamminnik naqitsineqarpallaartut pinnagit)
- sukkornermik 1 imaluunniit 2-mik nappaatillit
- inunnguutsiminnik illersornissaminnut akornutillit taamalu annikinnerusumik illersorsinnaasut
- pualavallaarujussuartut (najoqqutassatut BMI >40)
- nukillaanganeruneq pissutigalugu anersaartornermikkut sunnertissimasut
- qaangersinnaanngisaminnik tingummikkut tartumikkullu nappaatillit
- allanik qaangersinnaanngisanik nappaatillit, nakorsap naliliinera malillugu qanoq atugaqarnerat malillugu nualluummik erloqinartumik ulorianartorsiorsinnaasut
- naartusut tamarmik 2. aamma 3. trimesterimiittut
- napparsimasunut illersuumminnik annertuumik annikilliliiffigisimasunut attaveqartartut pissutit immikkut itsillugit kuppilersinnissamik neqeroorfgineqarsinnaapput.
Nakorsaaneqarfiup aamma inuit, akeqanngitsumik kuppilersinnissamik neqeroorfigineqartut avataanniittut, kuppilersinnissaanik neqeroorfigai nammineq akilerpassuk.